«Ադեկվատ» միաբանության անդամ Արթուր Դանիելյանը ձերբակալված է: Այդ մասին քիչ առաջ ուղիղ եթերում հայտարարեց միաբանության համահիմնադիր Կոնստանտին Տեր-Նակալյանը:
Քիչ առաջ, հիշեցնենք, հայտնի դարձավ, որ Արթուր Դանիելյանի եւ ԱԺ փոխնախագահ Ալեն Սիմոնյանի միջեւ փողոցում բախում է տեղի ունեցել: Ալեն Սիմոնյանը հարվածել է Արթուր Դանիելյանին: Ալեն Սիմոնյանը «Ազատությանը» պատմել է, որ «Ադեկվադի» հիմնադիրներից Արթուր Դանիելյանը «սեռական բնույթի հայհոյանքներ է հնչեցրել, ինչից հետո ծեծկռտուք է սկսվել»:
Ըստ Կոնստանտին Տեր-Նակալյանի, Արթուր Դանիելյանին տեղափոխում են «Էրեբունի» ԲԿ: Ոստիկանությունում պարզվել է, որ նա վիրահատության կարիք ունի:
https://www.facebook.com/100013972788277/videos/vb.100013972788277/910847679390983/?type=2&video_source=user_video_tab
Կարդացեք նաև
Ավելի վաղ, Արթուր Դանիելյանի թիմակիցները հավաքվել էին Երեւանի թիվ մեկ կլինիկական հիվանդանոցի բակում`կարծելով, որ վերջինս այդ հիվանդանոցում է:
Ավելի ուշ, Արթուր Դանիելյանի պաշտպան Ռուբեն Մելիքյանին հիվանդանոցի տնօրինությունը տեղեկացրել է, որ Արթուր Դանիելյանն իրենց բուժհաստատությունում չի գտնվում: Ինչպես հետո պարզվեց, վերջինս ոստիկանության բաժանմունքում էր:
Նելլի ԳՐԻԳՈՐՅԱՆ
Հ. Գ. Ավելի ուշ՝ բերման ենթարկված Արթուր Դանիելյանը ազատ է արձակվել։ Այս մասին լրագրողների հետ զրույցում հայտնել է նրա պաշտպան Տիգրան Աթանեսյանը` ճշտելով, որ ձերբակալման որոշում չկա: Ըստ նրա՝ Արթուր Դանիելյանը հաղորդում է ներկայացրել ՀՀ ԱԺ փոխխոսնակ Ալեն Սիմոնյանի դեմ։ Տիգրան Աթանեսյանը նաեւ հայտնել է, որ Դանիելյանին վիրահատելու անհրաժեշտություն չի եղել:
Սրանք, սրանց ընկերները հիւսիսի 5-րդ շարասիւն են: Հետաքրքիր է, ո՞վ է մեղաւոր, որ սրանք երկու տարի շարունակ իրենց ծայրաստիճան սանձարձակ են պահում: