ՀՀ էկոնոմիկայի նախկին նախարար Արմեն Եղիազարյանը հաշվարկել է, թե կորոնավիրուսի դեմ պայքարի տարբեր ձեւեր ընտրած երկրները ինչպիսի կորուստներ են կրում:
Ըստ տնտեսագիտության թեկնածուի, Շվեդիան, որը կարանտինի ռեժիմ չի կիրառում եւ ապրում է բնականոն կյանքով օրական չի կորցնում $ 1,5 միլիարդ: Այդ երկիրը չունի համապատասխան փոխհատուցման փաթեթ, որովհետեւ փոխհատուցելու ոչինչ չկա: Բելառուսը օրական չի կորցնում մոտավորապես $ 200 միլիոն:
Հայաստանը օրական կորցնում է մոտ $ 51 մլն: Եվ սա միայն ուղիղ եւ անուղղակի կորուստներն են: Հաշվի չի առնված արտաքին գործոնը՝ արտահանման, ներկրման նվազումը, համաշխարհային առեւտրի անկումը, որի վերաբերյալ հիմա որեւէ հաշվարկ անել հնարավոր չէ: Գերմանիան, որտեղ ոչ ամբողջական կարանտին է, օրական կորցնում է $ 10 մլրդ., Իտալիան՝ $ 5 մլրդ, ԱՄՆ-ը՝ $ 30 մլրդ., Ռուսաստանը՝ 224 մլրդ ռուբլի:
Աշոտ ՀԱԿՈԲՅԱՆ
