Այսօր ԱԺ-ում լրագրողները ԱԺ փոխնախագահ Ալեն Սիմոնյանին հիշեցրին, թե ինչ էին իրենք ասում՝ իշխանության գալուց առաջ՝ խոստանալով արագաչափերը հանել:
Ի պատասխան՝ Ալեն Սիմոնյանն ասաց. «Բազմաթիվ արագաչափեր հանվել են, 1 մլրդ 250 հազար դրամի տուգանք է ներվել, որը վերաբերել է մոտ 120 հազար քաղաքացու, արագաչափերը, տեսախցիկները, որոնք աշխատել են մի նպատակով՝քաղաքացուն թալանելու, այսօր այդ նպատակին չեն ծառայում»:
Նա ասաց, որ Սարի թաղի բնակիչները խնդրում են, որ այնտեղ, որտեղ երկաթուղային գծեր են եղել, արագաչափ տեղադրվի: Բնակիչներն ասում են, որ իրենց տները բավականաչափ մոտ են, երեխաների համար վտանգավոր է, իսկ վարորդներն արագ են երթեւեկում՝ վտանգի ենթարկելով երեխաների կյանքը. «Եթե արագաչափերը մնային նույն տրամաբանության մեջ, դրանք պետք է հանվեին, բայց տրամաբանությունը փոխվել է»:
Հռիփսիմե ՋԵԲԵՋՅԱՆ
