ԱՄՆ շուրջ 30 սենատորներ միացել են Ներկայացուցիչների պալատի 75 անդամներին՝ կոչ անելով 2021թ. վերսկսել Արցախում ականազերծման ծրագրի ֆինանսավորումը: Այս մասին հաղորդում է Ամերիկայի հայ դատի հանձնախումբը (ANCA):
Սենատոր Ռոբերտ Մենենդեզի կողմից շրջանառության մեջ դրված նամակում կոչ է արվում առնվազն 1,5 միլիոն դոլար հատկացնել Արցախում ԱՄՆ մարդասիրական աջակցության ծրագրին:
ANCA-ի ղեկավար Արամ Համբարյանը կարծում է, որ Սենատի նամակը վկայում է, որ Կոնգրեսը մտադիր է շարունակել մարդասիրական ծրագրի ֆինանսավորումն Արցախում՝ չնայած այն հանգամանքին, որ վարչակազմը փորձում է «սպանել» այս ծրագիրը:
Պատրաստեց՝ Վիկտորյա ԱՆԴՐԵԱՍՅԱՆԸ
