Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը Եվրոպայի մի շարք երկրներում ինքնամեկուսացման միջոցառումների թուլացման ֆոնին նախազգուշացրել է, որ կորոնավիրուսի համավարակը հեռու է ավարտից: «Համավարակը հեռու է ավարտին մոտենալուց: ԱՀԿ-ն շարունակում է մտահոգվել Աֆրիկայում, Արևելյան Եվրոպայում, Լատինական Ամերիկայում ու մի շարք ասիական երկրներում կորոնավիրուսի տարածման տեմպերի աճով»,-ասել է նա մամուլի ասուլիսի ժամանակ:
ԱՀԿ ղեկավարն ընդգծել է, որ թեպետ Եվրոպայում սկսել են թուլացնել կարանտինի միջոցառումները կորոնավիրուսի նոր դեպքերի մասշտաբի նվազման պատճառով, անհրաժեշտ է հայտնաբերել կորոնավիրուսի բոլոր դեպքերը և բուժել:
Նա նաև հիշեցրել է, որ ԱՀԿ-ն շարունակում է օգնել մի շարք երկրների, մասնավորապես, անցած շաբաթ կազմակերպությունը բժշկական պարագաներ է ուղարկել Աֆրիկայի ավելի քան 40 երկրներ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
