Ադրբեջանի տնտեսությունն օրական կորցնում է 120-ից 150 միլիոն մանաթ (70-ից 90 միլիոն ԱՄՆ դոլար)՝ կորոնավիրուսի համավարակի հետևանքով ստեղծված իրավիճակի պատճառով: Ինչպես հաղորդում է ադրբեջանական Turan գործակալությունը, այս մասին հայտարարել է երկրի էկոնոմիկայի նախարար Միքայիլ Ջաբարովը:
Ջաբարովի խոսքով՝ թեպետ Ադրբեջանն ապրիլի 27-ից մեղմացնում է կարանտինի ռեժիմը, բայց կորոնավիրուսի սպառնալիքը դեռ երկար կազդի իրավիճակի վրա: Նա չի բացառել, որ եթե կառավարությունը կրկին ստիպված լինի խիստ միջոցների դիմել, ապա գործարարների կորուստներն ավելի զգալի կլինեն, ընդհուպ մինչև սնանկություն:
Պատրաստեց՝ Վիկտորյա ԱՆԴՐԵԱՍՅԱՆԸ
Կարդացեք նաև
