Ռուսաստանում մեկ օրում գրանցվել է կորոնավիրուսի 6198 նոր դեպք, մահացել է ևս 50 մարդ: Այսպիսով, Ռուսաստանն առաջ է անցել Չինաստանից Covid-19-ի հաստատված դեպքերով և աշխարհում զբաղեցնում է 9-րդ տեղը: Այս մասին հաղորդում է BBC-ն՝ վկայակոչելով կառավարությանը կից օպերատիվ շտաբի տվյալները:
Ապրիլի 27-ի դրությամբ՝ Ռուսաստանում գրանցվել է կորոնավիրուսի 87 հազար 147 դեպք, առողջացած բուժառուների թիվը հասել է 7346-ի, մեկ օրում բժշկական հաստատություններից դուրս է գրվել 579 մարդ: Կորոնավիրուսի հետևանքով մահացել է 794 մարդ:
Աշխարհում նոր կորոնավիրուսով վարակվածների ընդհանուր թիվը գերազանցել է 3 միլիոնը, համավարակի զոհերի թիվը` 207 հազարը, բուժվել է շուրջ 883 հազար մարդ: Վարակվածների և մահացածների թվով առաջատարը Միացյալ Նահանգներն է, որտեղ գրանցվել է մահվան ավելի քան 55 հազար 410 դեպք, իսկ կորոնավիրուսով հաստատված դեպքերի թիվը գերազանցել է 987 հազար 320-ը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
