ՓՄՁ այն ներկայացուցիչները, որոնք դիմել էին կառավարության աջակցության ծրագրերից օգտվելու, սակայն ինչ-ինչ պատճառներով մերժվել էին` կատարված փոփոխություններից հետո նրանցից ոմանք կարող են հանդիսանալ շահառու: Այսօր այս մասին հայտնեց էկոնոմիկայի նախարարի տեղակալ Նաիրա Մարգարյանը: Նրա խոսքով, ծրագրի պայմանները փոփոխելուց հետո ավելի շատ ոլորտներ են ներգրավել եւ հարկային պատմության վերաբերյալ պահանջը մեղմվել է եւ նախկինում դիմած, բայց մերժված ՓՄՁ ներկայացուցիչներից շատերը կարիք չունեն կրկին դիմում գրելու, քանի որ բազայում արդեն գրանցված են եւ ծրագրին համապատասխանելու դեպքում նախարարության մասնագետներն իրենք են կապ հաստատում շահառուի հետ՝ տեղեկացնելով շահառու լինելու մասին:
Ըստ Նաիրա Մարգարյանի, այս պահին 1200 դիմումներից 461 հաստատված հայտ կա, որը գումարային արտահայտությամբ կազմում է 5,2 միլիարդ դրամ:
Կարդացեք նաև
Լուսինե ԲՈՒԴԱՂՅԱՆ
