«Վարչապետ Նիկոլ Փաշինյանը նախկինում Լեռնային Ղարաբաղի հարցի շուրջ արած իր հայտարարություններին որևէ բան չունի ավելացնելու, ինչպես նաև որևէ հայտարարություն սրբագրելու անհրաժեշտություն չի տեսնում», – «Ազատության» գրավոր հարցմանն ի պատասխան փոխանցել են վարչապետի աշխատակազմից:
«Ազատությունը», մասնավորապես, հետաքրքրվել էր՝ հաշվի առնելով պաշտոնական Երևանի այն պնդումները, որ բանակցային սեղանին որևէ փաստաթուղթ չկա, որքանո՞վ է իրականությանը համապատասխանում Ռուսաստանի արտգործնախարար Սերգեյ Լավրովի վերջին հայտարարությունը, ի՞նչ առաջարկներ են քննարկվել անցած տարի ապրիլին՝ Մոսկվայում, որին հղում է անում նա, արդյո՞ք այդ հանդիպման ընթացքում քննարկվել է խնդրի լուծման փուլային տարբերակը, և ո՞րն է պաշտոնական Երևանի դիրքորոշումը այդ տարբերակի շուրջ։
Բացի այդ, «Ազատությունը» հարցրել էր` բանակցային սեղանին ընդհանրապես կա՞ որևէ փաստաթուղթ, և եթե Լավրովի հայտարարությունն իրականությանը չի համապատասխանում, արդյո՞ք պաշտոնական Երևանը պատրաստվում է բացատրություն պահանջել ռուսական կողմից։ Այս հարցերին կոնկրետ պատասխաններ կառավարությունից չեն տվել։
Մանրամասները՝ սկզբնաղբյուր կայքում:
