Կանադայի Օնտարիո նահանգի վարչապետ Դագ Ֆորդը ուղերձ է հղել հայ համայնքին` Հայոց ցեղասպանության 105-րդ տարելիցի կապակցությամբ:
«Պատիվ ունեմ ողջունելու հայ համայնքի անդամներին և յուրաքանչյուրին, ով հարգում է 1915թ. Հայոց ցեղասպանության զոհերի հիշատակը… Այսօր մենք հարգանքի տուրք ենք մատուցում Մեծ Եղեռնի զոհերին: Մենք սգում ենք նրանց համար, ովքեր կորցրեցին իրենց կյանքը պատմության մութ շրջանում և հիշում ենք նրանց, ովքեր բռնի տեղահանվեցին»,-ասվում է վարչապետի ուղերձում:
Դագ Ֆորդի խոսքով` Հայոց ցեղասպանության հիշատակի օրը հիշեցնում է նաև այն մասին, որ պետք է կառուցել բռնությունից և անարդարությունից զերծ աշխարհ:
Պատրաստեց՝ Վիկտորյա ԱՆԴՐԵԱՍՅԱՆԸ
