ԱԺ «Իմ քայլը» խմբակցության պատգամավոր Ռուբեն Ռուբինյանը ֆեյսբուքյան իր էջում գրում է.
«Կարդացի ՀՀԿ-ի անչափ մտահոգ հայտարարությունը Արցախի հարցի վերաբերյալ։
Ողջունելի է, որ վերջապես ՀՀԿ-ն հետ է կանգնում ղարաբաղյան խաղաղ գործընթացի շրջանակներում գոյություն ունեցած այն փաստաթղթից, որի շուրջ տարիներ շարունակ Սերժ Սարգսյանը վարել է բանակցություններ և որը, իր իսկ խոստովանությամբ, պատրաստ է եղել ընդունել:
Սա, ինչ խոսք, հայրենանվեր գործ է, որը կարող է էլ ավելի ամրապնդել հայկական կողմի դիրքերը խաղաղ գործընթացում:
Կարդացեք նաև
Հիրավի, հուսադրող է ինքնախոստովանական այն տեմպը, որով ՀՀԿ-ն առաջ է շարժվում։ Եթե այսպես շարունակվի, հույս կա, որ հաջորդ տարի ՀՀԿ գործադիր մարմինը կդատապարտի կաշառակերությունը, հաջորդ տարի՝ ընտրակեղծարարությունը, հաջորդ տարի՝ Սերժ Սարգսյանին, հաջորդ տարի՝ ինքն իրեն»։
