Ամեն անգամ, երբ հեռուստախցիկները խոշոր պլանով «որսում» են իրար հետ խոսող ֆուտբոլիստներին եւ մարզիչներին, տեսնում ենք, որ նրանք ծածկում են բերանը ձեռքով, արմունկով, ձեռնոցով կամ այդ պահին հասանելի միջոցներով: Նրանց, ովքեր մեր ժամանակներում չեն պահպանում չգրված այս կանոնը, «պատիժ է սպասվում»:
Իսպանական կլասսիկոյի հանդիպումից հետո «Բարսելոնայի» մարզիչներից մեկը ստիպված էր ներողություն խնդրել ակումբի ղեկավարությունից, խաղացողներից ու երկրպագուներից: Եվ պատճառը «Ռեալին» պարտվելը չէր: Խնդիրն առաջացել էր հեռուստաշոուներից մեկի ժամանակ: Հեռուստաալիքը մի սյուժե էր պատրաստել «Ռեալի» հետ այդ խաղի ժամանակ մարզչի վարքագծի մասին՝ հրավիրելով մարդու շուրթերի շարժումները կարդացող մասնագետի: Վերջինը բազմաթիվ անպարկեշտ արտահայտություններ էր արձանագրել մրցակից թիմի խաղացողների հասցեին:
https://www.youtube.com/watch?v=Kp1J3mFSUjU
Սակայն սա հարցի ընդամենը մի փոքր կողմն է: Այլ է զուտ ֆուտբոլային անդրկուլիսյան իրականությունը, երբ հաղթանակի համար թույլատրելի են բոլոր միջոցները:
Կարդացեք նաև
2019-ի հունվարին բացահայտվեց, որ Մարսելո Բյելսան մարդիկ էր ուղարկում Անգլիայի առաջնությունում մրցակիցների մարզումները լրտեսելու նպատակով: Սա իրեն «արդարացնող» միջոց է, բայց ոչ բոլոր մարզիչները կգնան այդ քայլին:
Կա ավելի արդյունավետ տարբերակ. վարձել խոսակցությունը շուրթերի շարժումներով կարդալու մասնագետի, նստեցնել տրիբունայում եւ ձեռքը հեռադիտակ տալ: Եվ նա առանց դժվարության «իր թիմի» մարզչական շտաբին կթարգմանի մրցակից բանակի բոլոր ծրագրերը:
Նման պայմաններում բերանը ծածկելը աշխատում է, սակայն ոչ ամբողջովին, քանի որ խաղադաշտի եզրին դրված միկրոֆոնները կարողանում են ձայնը որսալ հեռվից:
Գաղտնալսումից ու գաղտնատեսագրումից խուսափելու ամենաարդյունավետ միջոց, թերեւս, այն է, երբ մարզիչը խորհուրդները խաղացողին փոխանցում է երկտողով, իսկ ֆուտբոլիստն էլ կարդալուց հետո այն կուլ է տալիս:
В матче Газиантеп – Трабзон Баду Ндиайе съел записку, которую ему передал тренер.))) pic.twitter.com/dePEnANHwJ
— Elvin Kerimov (@elvis_kerimov) March 7, 2020
Աշոտ ՀԱԿՈԲՅԱՆ
