Ամերիկյան WTI տեսակի նավթի մայիսյան ֆյուչերսները ռեկորդային գնանկում են գրանցել: Ինչպես հաղորդում է BBC-ն, պատմության մեջ առաջին անգամ WTI ապրանքանիշի նավթի գինը 0-ից ցածր է եղել, մասնավորապես, Երևանի ժամանակով ժամը 22:15-ի դրությամբ WTI տեսակի նավթի մայիսյան ֆյուչերսները նվազել են մինչև -7.5 դոլարի` մեկ բարելի դիմաց:
Երբ մոտենում է մատակարարման ժամկետը, թրեյդերները պետք է որոշեն` կամ ընդունել նավթի ֆիզիկական մատակարարում պայմանագրով, կամ վաճառել այն և անցնել հաջորդ ամսվա մատակարարման պայմանագրին:
Թրեյդերների մեծ մասին ֆիզիկական մատակարարում պետք չէ: Ուստի ներկայիս իրավիճակում թրեյդերներն ազատվում են մայիսի պայմանագրերից և անցնում են հունիսի պայմանագրերին: Քանի որ շուկայում գոյացել է նավթի ավելցուկ, թրեյդերները չեն կարողանում գնորդ գտնել մայիսի պայմանագրերի համար, որոնց հիման վրա էլ նավթը կմատակարարվի: Արդյունքում գները հասել են բացասական մակարդակի, ինչը նշանակում է, որ վաճառողները նախընտրում են վճարել գնորդներին, որպեսզի վերջիններս վերցնեն նավթը:
Պատրաստեց՝ Վիկտորյա ԱՆԴՐԵԱՍՅԱՆԸ
