Կառավարության մամուլի կենտրոնում ՀՀ ոստիկանապետի տեղակալ Հայկ Մհրյանը ներկայացրեց այն աշխատանքները, որոնք համակարգը կատարել է կարանտինի ընթացքում:
«ԻԻՀ-ից Հայաստան մուտք գործած բեռնափոխադրում իրականացնող տրանսպորտային միջոցների քանակը այս ժամանակահատվածում 1271-ն է, որը իրացվել է 1197 կարգախմբերի կողմից: ՃՈ ծառայության կարգախմբերի կողմից համավարակի կանխարգելման շրջանակներում ՀՀ տարածքում 136 կարգախմբերի միջոցով իրականացվել են 106 տրանսպորտային միջոցների ուղեկցումներ: ՃՈ կարգախմբերի կողմից համավարակի կանխարգելման շրջանակներում «Զվարթնոց» օդանավակայանում սահմանափակվել է տրանսպորտային միջոցների տեղաշարժը, իրականացվել են ուղեկցումներ դեպի Վրաստան եւ մեկուսացման վայրեր:
Դեպի Արցախի Հանրապետություն եղել է տրանսպորտային միջոցների մեկնման 2946 թույլտվություն եւ 603 արգելք: Սահմանափակվել է տնտեսական գործունեություն ծավալող օբյեկտների գործունեությունը, որի արդյունքում ոստիկանության կողմից տնտեսական գործունեություն ծավալող 2195 սուբյեկտներին բաժանվել են իրազեկումներ, 2065 օբյեկտների գործունեությունը դադարեցվել է: 82 տնտեսվարող սուբյեկտների նկատմամբ կազմվել են վարչական իրավախախտման վերաբերյալ արձանագրություններ:
ՀՀ մարզերի ու Երեւանի վարչական շրջանների միջեւ բնակչության ազատ տեղաշարժը սահմանափակելու նպատակով ապրիլի 1-ից նշանակված են անցակետեր, գործում են 67 հատուկ անցակետեր, որոնցում յուրաքանչյուր օր ծառայություն են իրականացնում տարածքային ստորաբաժանումների, ոստիկանության զորքերի, ՃՈ, ԱԱԾ եւ ռազմական ոստիկանության ծառայողները:
Կարդացեք նաև
Շիրակի մարզի Մարալիկ եւ Ձորակապ համայնքներում ապրիլի 19-ից 25-ը նշանակվել են չորս հատուկ անցակետեր, որոնք պետք է սահմանափակեն քաղաքացիների եւ տրասնպորտային միջոցների մուտք ու ելքը՝ կապված պարետի որոշման հետ:
Ոստիկանության ծառայողների կողմից հսկողություն է սահմանվել միաժամանակյա 20-ից ավելի անձանց ներկայությունը բացառելու եւ սանիտարահամաճարակային կանոնները պահպանելու նպատակով ՀՀ տարածքում անցկացված 1606 հոգեհանգստի եւ հուղարկավորության արարողությունների ընթացքում, հսկողություն է սահմանվել արտերկրից ստացված 18 փակ դագաղների հուղարկավորության կարգի նկատմամբ եւ 10 այլ միջոցառումների ընթացքում»,-ասաց փոխոստիկանապետը:
Աշոտ ՀԱԿՈԲՅԱՆ
