«Այդ խայտառակ բանը ուղիղ եթերի… որոշ ռեակցիաներ ինձ զարմացնում են: Սովետական ժամանակ երեխաների մոտ ընկալում կար, որ ուսուցիչները հաց չեն ուտում, կներեք՝ զուգարան չեն գնում, ուստի նման տպավորություն է: Շատ վատ երեւույթ է տեղի ունեցել, բայց այդ վատ երեւույթը դրա հեղինակների մասին է, ոչ թե այն ամենի, ինչը երեւում է կադրում»,-«ֆեյսբուքյան» ուղիղ եթերում քիչ առաջ անդրադառնալով Հանրային հեռուստաընկերության եթերում ապրիլի 17-ին կորոնավիրուսի տարածման սոցիալ-տնտեսական հետեւանքների հաղթահարմանը նվիրված ուղիղ հեռարձակման հեռուստաուղերձից հետո համացանցում հայտնված՝ իր մասնակցությամբ ուղիղ եթերին նախորդած տեխնիկական փորձի կադրերին՝ մոնտաժված ծաղրական հնարքներով, ասաց ՀՀ վարչապետ Նիկոլ Փաշինյանը:
https://www.facebook.com/nikol.pashinyan/videos/1411730292346414/?__xts__[0]=68.ARAt2izCiHrL8vVeV9Z62Y4pcXWVOAY22-Sub0ewi6qcZN1sCNmRBjIReCTjE5ov1fqqqgHOIDt7fmUWBpqf1TDOKqRy3Rlvo5aiIh0-Xwiu2K-9BcnHH1OdI_V-HtS2Lydax8TZlXPvqHuv63LBj1tN7JO6OQSv0BN7_zdJIPZuRVpVExcQEiLl0EuVuAhPHQIK0GcIj4rWYvPOFt_5c01WiR0aMJ2u1DmP1hCAd6ax4eov8SXopZxBtWwrr_eUSCqBNFFIGhppFBgXIxKDQ8Ml6rE73wJ2WOlaGW0CwrQfJ-7wJypsfW46fIInd_UjZPHXq2tRN9LuH-RTUPCDUw_Zf1TmCrVBxg421Q&__tn__=-R
Նա հարցադրում արեց. «Իսկ ի՞նչ է երեւում կադրերում. երեւում է սովորական աշխատանքային իրավիճակ, երբ խնդիր կա կարգավորել «սուֆլյորի» արագությունը, որպեսզի գրածս տեքստը կարողանամ ճիշտ կարդամ: Շատերին իմ հազն էր հուզել… Այսօր արդեն երրորդ թեստն եմ արել կորոնավիրուսի: Պատասխանը, ի դժբախտություն ոմանց, եւ ի ուրախություն ինձ, բացասական է»:
Լուիզա ՍՈՒՔԻԱՍՅԱՆ
