Ինչպես ավելի վաղ հայտնել էինք, խորհրդարանն այսօր քննարկում է միջազգային վարկային համաձայնագիր վավերացնելու հարցը, որի իրականացմամբ նախատեսվում է ՀՀ մարզերի կենսական նշանակության մի շարք ճանապարհների նորոգում. մի մասի համար շինարարական կազմակերպությունների մրցույթներն արդեն իսկ հայտարարված են, որոշներն էլ շուտով կհայտարարվեն:
«Այն քաղաքացիների համար, ովքեր արտագնա աշխատանքի պետք է մեկնեին, սակայն չկարողացան, սա հնարավորություն է՝ ինտեգրվելու ՀՀ տնտեսությանը: Այս ամբիոնից վարչապետն էլ է նշել, որ կա առնվազն 2 հնարավորություն ՀՀ-ում աշխատանք գտնելու: Առաջինը շինարարությունն է»,-ԱԺ ամբիոնից ասաց «Իմ քայլի» պատգամավոր Վիկտոր Ենգիբարյանը՝ դիմելով այն քաղաքացիներին, որոնք կորոնավիրուսի տարածմամբ պայմանավորված փակ սահմանների պատճառով չեն կարողացել մեկնել արտագնա աշխատանքի:
Հիշեցնենք, որ Երեւանում օրերս Ռուսաստանի դրոշով բողոքի ավտոերթ էին անում այն քաղաքացիները, որոնք չէին կարողացել վերադառնալ ՌԴ՝ փակ սահմանների պատճառով:
Վիկտոր Ենգիբարյանը փաստեց, որ շինարարության ոլորտում աշխատուժի խնդիր ունենք. «Իսկ երկրորդ հնարավորությունը գյուղատնտեսությունն է: Կոոպերատիվների միջոցով հնարավոր է դառնալ գործարար»:
Կարդացեք նաև
Լուիզա ՍՈՒՔԻԱՍՅԱՆ
