Վերջին օրերին իշխող վարչակարգը անցել է էթիկայի՝ արտոնված բոլոր սահմանները: Առիթը ՆՍՕՏՏ Գարեգին Բ Ամենայն Հայոց Կաթողիկոսի հայտարարությունն է՝ կապված ՀՀ երկրորդ նախագահ Ռ․ Քոչարյանի ազատ արձակման հետ:
Բնականաբար մենք նույնպես կարող ենք համաձայն չլինել Վեհափառի կատարած այս կամ ինչ-որ այլ հայտարարության հետ եւ չկիսել նրա կարծիքը տարբեր հարցերի շուրջ: Սակայն դա առիթ չի կարող տալ ոչ ոքի՝ հարվածել Հայկական Ազգային Եկեղեցուն:
Անցյալում զգուշացրել էինք, այսօր նորից ենք զգուշացնում, որ ցանկացած ոտնձգություն Վեհարանի եւ Ազգային Առաքելական Սուրբ Եկեղեցու նկատմամբ՝ հակասահմանադրական է եւ կարժանանա մեր ամենակոշտ հակահարվածին:
Հայկական Արժեքների Պաշտպանության «ԿԱՄՔ» հասարակական նախաձեռնություն
Կարդացեք նաև
Իսկ Եկեղեցին իրավունք ունի խառնվել քաղաքական գործընթացներին՞
“ԿԱՄՔ” հասարակական կազմակերպությունը խիստ շփոթված է՝ Վեհարան, Ազգային Առաքելական Սուրբ Եկեղեցի, Վեհափառ։ Կենտրոնացե՛ք, գարեգինը, կամ կտրիճը ձեր թվարկած հասկացողություններից անջատ, աթոռը զավթած, բիզնեսի մեջ գլուխը կորցրած, իրեն հացագործներով և հանցագործ ու անբարտավան սքեմավորներով շրջապատած, ժողովրդից անվերադարձ հառացած “անմեղ գառնուկ” է։ Թվարկածս փաստերի ո՞ր մասին եք անծանոթ։ Եթե ասածիս մեջ հակասահմանադրական քայլ կա, թախանձագին խնդրում եմ “ամենակոշտ հակահարվածը” ինձ տվեք։ Խորհուրդ կտամ նման քայլի չդիմեք, քանի որ հետևանքները ձեզ համար կարող են անկանխատեսելի լինել։ Մի խորհուրդ էլ հոդվածի հեղինակին՝ ազնիվ ու սրտացավ մարդը “հասարակական նախաձեռնություն” անվան տակ իր անունը չի թաքցնի։ Մնամ “ամենակոՏՈՇ հակահարվածիդ” սպասող մարդ։