«ԶԼՄ-ներում եւ սոցցանցերում շահարկվում եւ բացասական երանգով է ներկայացվում պարգեւավճարների հարցը: Մարդիկ առաջ են քաշում թեզ, որ հեղափոխական թիմն առհասարակ պետք է հրաժարվեր պարգեւավճարներից: Ձեր կարծիքը»,- կառավարություն-ԱԺ հարցուպատասխանի ժամանակ այսօր վարչապետ Նիկոլ Փաշինյանին նման հարցադրում հղեց «Իմ քայլի» պատգամավոր Արմեն Փամբուխչյանը:
«Պետական ապարատում աշխատավարձերի բարձրացումը հանրապետության հրապարակից՝ հեղափոխական ամբիոնից տրված իմ խոստումն է ժողովրդի աչքի առաջ: Դա պարտավորություն էր, որը ես ստանձնել եմ»,-պատասխանեց Փաշինյանը՝ ամբիոնի խոսափողի մոտ հեռախոսից միացնելով 2018թ. ապրիլին իր ելույթում հնչեցրած այդ հայտարարությունը:
https://www.facebook.com/nikol.pashinyan/videos/2695979093846281/
Փաշինյանը շարունակեց. «Ու հիմա, երբ քննարկում են, թե ես ինչու եմ պետական համակարգի աշխատողների աշխատավարձը բարձրացրել, կներեք, դա անընդունելի է: Խոստացել եմ, ժողովուրդը հաստատել է, ես էլ բարձրացրել եմ: Սա արվել է հեղափոխության համատեքստում: Սրանից հրաժարվելը հետհեղափոխություն անելն է, որն էլի լեգիտիմ իրավունք է: Եթե ժողովուրդը մտածում է, որ պաշտոնյաների աշխատավարձը բարձրացնելը վատ որոշում է, ցանկացած պահի կարող է անել նոր հեղափոխություն, մեզ այստեղից քշի, բերի հին-բարի ժամանակների պաշտոնյաներին, որոնք ցածր աշխատավարձ են ստանում եւ լափում պետական համակարգը, փայ մտնում բիզնեսներին: Ժողովրդի իրավունքն է, կարող են ասել՝ սրանց տարեք, Գագիկ Խաչատրյանին ու Սերժ Սարգսյանին հետ բերեք: Դա ժողովրդի լեգիտիմ իրավունք է»:
Կարդացեք նաև
Լուիզա ՍՈՒՔԻԱՍՅԱՆ
