ՀՀ վարչապետ Նիկոլ Փաշինյանը երեկ Արցախի նախագահ ընտրված Արայիկ Հարությունյանին ուշ երեկոյան հեռախոսով է շնորհավորել: Այդ մասին այսօր մամուլի ասուլիսում`պատասխանելով լրագրողների հարցերին, ասաց Արայիկ Հարությունյանը:
Երեկ Արայիկ Հարությունյանին պաշտոնապես արդեն շնորհավորել էր ՀՀ նախագահ Արմեն Սարգսյանը, այսօր`ՀՀ երրորդ նախագահ Սերժ Սարգսյանը:
Արայիկ Հարությունյանն ասաց` երեկ գիշերը շատերն են իրեն հեռախոսով շնորհավորել, ՀՀ վարչապետ Նիկոլ Փաշինյանի հետ էլ է հեռախոսազրույց ունեցել: ՀՀ վարչապետից պաշտոնական շնորհավորանքը, հուսով է` կլինի: Թե է՞լ ում հետ է գիշերը հեռախոսազրույցներ ունեցել, ովքե՞ր են իրեն շնորհավորել` Արայիկ Հարությունյանը չցանկացավ բարձրաձայնել: Ասաց. «Հետո կհրապարակեմ, թե ովքե՞ր չեն շնորհավորել»:
Նելլի ԳՐԻԳՈՐՅԱՆ
