25 տարի անազատության մեջ գտնվող ցմահ դատապարտյալ Ստեփան Գրիգորյանը դիմել էր հանրապետության նախագահին` իրեն ներում շնորհելու խնդրանքով:
Երեկ նա ստացել է մերժումը՝ այն ապրիլի 6-ի թվագրությամբ էր:
Ցմահ դատապարտյալն Aravot.am-ին հայտնեց, որ ներման խնդրագրին կցված է եղել ԱԺ յոթ պատգամավորի, հինգ մտավորականների երաշխավորագիր, եւ հանրապետության նախագահը, ըստ էության մերժել է նաեւ նրանց:
Ըստ նրա ցմահ դատապարտյալներն իմանալով այս մասին, երբեք չեն գրի ներման դիմում, իսկ նախագահին դիմելով ակնկալում է` իր ձայնը լսելի դարձնել վարչապետին:
Կարդացեք նաև
Հիշեցնենք, որ 1963 թ.ծնված Ստեփան Արտուշայի Գրիգորյանը ձերբակալվել է 1996թ․ ապրիլի 26-ին, մեղադրվել է 1961թ. Քրեական օրենսգրքի 99-րդ հոդվածի 1-ին և 7-րդ կետերով և որպես սպանության մասնակից՝ 1997թ-ի դեկտեմբերի 25-ին Գերագույն դատարանի կողմից դատապարտվել մահապատժի։ 2003թ-ի օգոստոսի 1-ին նախկին նախագահ Ռոբերտ Քոչարյանի ներման հրամանագրով պատժաչափը փոխարինվել է ցմահ ազատազրկման:
Ռուզան ՄԻՆԱՍՅԱՆ
