Ռուսաստանի 62 շրջաններում կորոնավիրուսով վարակվելու 2 հազար 558 նոր դեպք է հայտնաբերվել: Այս մասին հաղորդում է gazeta.ru կայքը՝ հղում անելով Օպերատիվ շտաբի տվյալները: Այսպիսով, Ռուսաստանում կորոնավիրուսով հիվանդների թիվը հասել է 18 հազար 328-ի: Վերջին մեկ օրում մահացել է 18 հիվանդ, մահվան դեպքերի ընդհանուր թիվը հասել է 148-ի, ապաքինվել է 1470 մարդ:
Նոր դեպքերի մեծ մասը գրանցվել է Մոսկվայում` 1355, Մերձմոսկվայում գրանցվել է 495 դեպք, Սանկտ Պետերբուրգում` 121: Մայրաքաղաքում վարակվածների մեծ մասը մինչև 45 տարեկան անձինք են:
Նշենք, որ աշխարհում կորոնավիրուսով հիվանդների թիվը գերազանցել է 1 միլիոն 865 հազարը, հիվանդության հետևանքով զոհվել է 115 հազար 224: Վարակվածների և մահացության թվով առաջատարը Միացյալ Նահանգներն է, որտեղ վարակվածների թիվը գերազանցում է 560 հազարը, կորոնավիրուսի հետևանքով զոհվել է ավելի քան 22 հազար մարդ: Բոլոր նահանգներում «զանգվածային աղետ» է հայտարարվել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
