«Որոշ տնտեսվարողների հանդեպ վարչական վարույթներ են հարուցվել, որոնք, սակայն, կարճվել են, բայց վարույթի հարուցման փաստը իրենց սեւ ցուցակ է գցել: Նրանք չեն կարողանում կառավարության աջակցության ծրագրերից օգտվել»,-ԱԺ այսօրվա նիստում դիմելով արտակարգ դրության պարետ, փոխվարչապետ Տիգրան Ավինյանին՝ ասաց ԼՀԿ պատգամավոր Արմեն Եղիազարյանը:
Ավինյանն արձագանքեց. «Հասկանում եմ, որ խնդիրներ են առաջացել որոշ անձանց մոտ, որոնք նախկինում խախտումներ չեն ունեցել եւ սպասարկել են իրենց հարկերը պարտաճանաչ: Կարծում եմ՝ խնդրի ծավալն ու շրջանակը կարող ենք հասկանալ, եւ եթե դա կապված է այս ֆորսմաժորային իրավիճակի հետ, որոշակի լուծումներ կկարողանանք գտնել»:
Արմեն Եղիազարյանը հավելեց, որ շատ պարտաճանաչ հարկատուներ են հայտնվել նշյալ խնդրի առաջ, եւ նրանց պետք է տարբերակել անպարտաճանաչներից:
Հիշեցնենք, որ կառավարության որոշմամբ կորոնավիրուսի տարածումը կանխարգելելու նպատակով հայտարարված արտակարգ դրության ժամկետը երկարաձգվել է մինչեւ մայիսի 14-ը, ԱԺ-ն էլ հատուկ նիստում քննարկում է գործադիրի որոշումը:
Կարդացեք նաև
Լուիզա ՍՈՒՔԻԱՍՅԱՆ
