Զինված ուժերում կորոնավիրուսով վարակված ծանր կամ ծայրահեղ ծանր վիճակում գտնվող, արհեստական շնչառական ապարատին միացված զինծառայողներ չկան: Այսօր այս մասին հայկական միասնական տեղեկատվական կենտրոնում ասուլիսին ասաց ԶՈՒ ռազմաբժշկական վարչության պետ Սահակ Օհանյանը:
Թե քանի ինքնամեկուսացված զինծառայողներ կան՝ Օհանյանը չասաց, նպատակահարմար չէ՝ հաշվի առնելով տեղեկատվության գաղտնիությունը, նույնը վերաբերում է նաեւ բուժվող զինծառայողների թվաքանակին. «Ուղղակի կարող եմ հավաստիացնել՝ այդ թիվը շատ չնչին է: Կարող եմ նաեւ ուրախացնել՝ ունենք բուժումն ավարտած եւ հետագա զինծառայության դուրս գրված վեց զինծառայողներ»:
Զորակոչն ընթանալու է սահմանված ժամկետում, սակայն, ինչպես Օհանյանն ասաց, անհրաժեշտության դեպքում, օրենքով սահմանված կարգով, հնարավոր է երկարաձգվի. «Դեռ վաղ է այդ մասին խոսել: Զինվորական կոմիսարիատները պատրաստ են զորակոչին: Բոլոր զինվորական կոմիսարիատներին հատկացվել են անհատական պաշտպանիչ միջոցներ: Մինչ զորակոչը՝ բոլոր զինկոմիսարիատներում կատարվելու են ախտահանման աշխատանքներ եւ յուրաքանչյուր օրվա աշխատանքների ավարտից հետո այդ աշխատանքները կրկնվելու են»:
Կարդացեք նաև
Նելլի ԲԱԲԱՅԱՆ
