Ինչպես տեղեկացրել ենք, երեկ արտակարգ դեպք էր տեղի ունեցել Գյումրիում․ Ռուսաստանի Դաշնությունից վերադարձած 66-ամյա Կ․ Լ․-ն, որը 13 օր շարունակ ինքնամեկուսացման մեջ էր գտնվում, փորձել էր վերջ դնել կյանքին՝ կարծելով, թե վարակվել է կորոնավիրուսով։ Նա քացախաթթվի էսենցիա էր խմել։
Նրան տեղափոխել էին Գյումրի բժշկական կենտրոն, վիճակը կայունացնելուց ուղարկել մայրաքաղաք, թունաբանության կենտրոն՝ մասնագիտացված բուժօգնություն ստանալու համար։ Նրան նաև թեստավորել էին՝ որոշելու, թե արդյոք վարակվա՞ծ է կորոնավիրուսով։
Գյումրի բժշկական կենտրոնի փոխտնօրեն Արմեն Խաչատրյանը Aravot.am-ին տեղեկացրեց, որ պատասխանը հայտնի է դարձել քիչ առաջ, թեստը բացասական է ցույց տվել, տղամարդու մոտ կորոնավիրուս չկա։
Նունե ԱՐԵՎՇԱՏՅԱՆ
Կարդացեք նաև
