Ապրիլի 10-ին, ժամը 21:35-ին Ճգնաժամային կառավարման ազգային կենտրոն տեղեկություն է ստացվել, որ Կոտայքի մարզի Հրազդան քաղաքի երիտասարդական մարզամշակութային ուսումնական կենտրոնի մոտակայքում տեղի է ունեցել ՃՏՊ, կա տուժած:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ երիտասարդական մարզամշակութային ուսումնական կենտրոնի մոտակայքում «Mercedes-Benz C-Class» մակնիշի ավտոմեքենան (վարորդ՝ Գևորգ Մ., ծնված 1989 թ.) դուրս է եկել ճանապարհի երթևեկելի հատվածից և բախվել պատին:
Մինչ փրկարարների՝ կանչի վայր հասնելը վարորդը և ուղևորները (Հրաչ Ա., ծնված 1997 թ., Հասմիկ Գ., ծնված 1998 թ. և Մարիամ Օ., ծնված 1992 թ.) տեղի ուժերով դուրս են բերվել ավտոմեքենայից և հոսպիտալացվել Հրազդանի ԲԿ:
Հասմիկ Գ.-ն մահացել է, իսկ մյուսների առողջական վիճակը բժիշկները գնահատել են ծանր: Այնուհետև Գևորգ Մ.-ն և Մարիամ Օ.-ն տեղափոխվել են Երևանի «Էրեբունի» ԲԿ:
Փրկարարները հոսանքազրկել են ավտոմեքենան:
Կարդացեք նաև
ՀՀ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅՈՒՆ
