Հանրապետությունում նոր կորոնավիրուսային իրավիճակով պայմանավորված՝ Արտաշատի բժշկական կենտրոնն օրեր առաջ վերապրոֆիլավորվեց և այսուհետ սպասարկում է միայն կորոնավիրուսային հիվանդությամբ հաստատված պացիենտներին:
Առողջապահության նախարար Արսեն Թորոսյանը և Արարատի մարզպետ Գարիկ Սարգսյանն այցելել են կենտրոն՝ ծանոթանալու բժշկական ծառայության մատուցման ընթացքին:
Վերապրոֆիլավորվելով ինֆեկցիոն բուժկենտրոնի՝ Արտաշատի ԲԿ-ն կարճ ժամանակամիջոցում անմիջապես ստեղծեց պացինետների բուժման համար բոլոր անհրաժեշտ պայմանները: Վերջիններս գտնվում են տնօրինության և բուժանձնակազմի առանձնահատուկ ուշադրության կենտրոնում, ովքեր սիրով ու սրտացավությամբ աջակցում են նրանց:
Նախարար Թորոսյանն այցի արդյունքում բարձր է գնահատել կենտրոնում հաստատված էպիդ ռեժիմը և բժշկական օգնության կազմակերպումը, ինչը լիովին համապատասխանում է ԱՀԿ պահանջներին:
Կարդացեք նաև
Մատուցվող ծառայությունների մասին իր բարձր գնահատականն է տվել նաև մարզպետ Գ. Սարգսյանը:
Իր հերթին կենտրոնի տնօրեն Հայկ Համբարձումյանը աշխատանքների կազմակերպման արդյունավետության հարցում կարևորել է ԱՆ նախարարի և մարզպետի ամենօրյա և աչալուրջ հետևողականությունը:
Նշենք, որ Կենտրոնում հիվանդանոցային բուժում ստացող պացիենտները ապահովված են անհրաժեշտ դեղորայքով, բուժպարագաներով, հիգիենիկ պարագաներով, նրանց տրվում է 3-անգամյա սնունդ:
Արարատի մարզպետարան
