Այսօր պատասխանելով հարցին՝ ինչու Վրաստանի օրինակին չեն հետեւում եւ քաղաքացիների կոմունալ վճարումները չեղարկելու որոշում չեն կայացնում՝ գոնե մասնակի փոխհատուցելու տարբերակով, փոխվարչապետ Մհեր Գրիգորյանն ասաց, որ չի բացառում, որ այդ հարցին կանդրադառնան եւ կքննարկեն:
«Երբ որ մենք խոսում ենք ծախսի նպատակներից, փորձում ենք գալ խնդրի լուծմանը կամ միջոցառման նախագծմանը, մենք չենք կարծում, որ դա ճիշտ ուղղություն է: Մենք գալիս ենք պոտենցիալ շահառուների խմբերը վերլուծելու ուղղությունով, ինչը որ շատ ավելի ճիշտ է, որովհետեւ, հարց է առաջանում՝ իսկ ինչո՞ւ կոմունալ վճարները, այլ ոչ այլ վճարներ: Իսկ ինչո՞ւ ոչ վարձակալության վճարները, ի վերջո, իսկ ինչո՞ւ ոչ՝ սննդի հետ կապված ծախսերը: Եվ այդ իմաստով, որպեսզի մենք գործողությունների մեջ ճշգրիտ լինենք, կարծում ենք, որ ճիշտ կլինի մոտենալ հարցին ոչ թե նպատակը գնահատելով, այլ շահառու խմբին եւ շահառու խմբի կարիքը: Թե շահառու խումբն ի՞նչ ձեւով իր կարիքները կհոգա, դա արդեն թող մնա շահառու խմբի որոշմանը: Բայց, այնուամենայնիվ, ես չեմ ուզում բացառել, որ վճարումների դինամիկան մեզ համար կլինի տեղեկատվություն՝ շահառու որոշելու համար: Բայց դա չի նշանակում, որ միջոցառման նպատակը պետք է լինի հարկ, կոմունալ, վարկ չվճարելը: Դա, մեր կարծիքով, սխալ սկզբունք է»:
Փոխվարչապետի խոսքով, ի վերջո, կառավարության հետագա միջոցառումները միտված են լինելու կարիքավոր խմբին բացահայտելու, կարիքավոր խմբին օժանդակելու:
Կարդացեք նաև
Լուսինե ԲՈՒԴԱՂՅԱՆ
