Ռոբերտ Քոչարյանի պաշտպանները երկու դիմում եմ հասցեագրել ՀՀ մարդու իրավունքների պաշտպան Արման Թաթոյանին՝ ներկայացնելով իրավիճակն, որ դեռեւս մարտի կեսին ՀՀ սահմանադրական կարգի տապալման համար մեղադրվող Ռոբերտ Քոչարյանի խափանման միջոցը փոխելու միջնորդության քննությունը մինչեւ օրս տեղի չի ունեցել՝ դատավոր Աննա Դանիբեկյանի առողջական խնդիրների պատճառով: «ՄԻՊ-ի պատասխանը ստացել եմ: Նա հաստատել է խնդիրը, որ այս պահին չունենք անհապաղ քննության ենթակա միջնորդություն քննող դատավոր: ՄԻՊ-ը համակարծիք է, որ այս իրավիճակը մարդու իրավունքների տեսանկյունից խնդիր է, որովհետեւ մարդու խափանման միջոցին առնչվող միջնորդություններն անհապաղ են ենթակա քննության»,-«Հայելի» մամուլի ակումբում լրագրողների հետ հանդիպմանն այսօր ասաց Ռոբերտ Քոչարյանի պաշտպաններից Արամ Վարդեւանյանը:
Հիշեցնենք, որ բարձրաստիճան պաշտոնյաներ են երաշխավորել Քոչարյանի ազատության համար:
Վարդեւանյանը նկատեց՝ երբ անձին կալանավորելու միջնորդություն է ներկայացվում, այն անմիջապես է քննվում, մինչդեռ երբ հերթը հասնում է անձի խափանման միջոցը փոխելուն, խտրական վերաբերմունք է դրսեւորվում. «Երբեւէ տեսե՞լ եք, որ կալանքի միջնորդություն ներկայացվի մարտի 16-ին ու մինչեւ ապրիլի 8-ը չքննվի…կամ, տեսե՞լ եք, որ դատավորը բացակայի, ու հայտնի չլինի, թե երբ է գալու: Պարզ է, որ չեք տեսել, որովհետեւ նման բան չի լինում»:
Փաստաբանի խոսքով՝ ութ օր է, չեն կարողանում կապվել դատավոր Դանիբեկյանի աշխատակազմի հետ:
Կարդացեք նաև
Լուիզա ՍՈՒՔԻԱՍՅԱՆ
