Նավթի համաշխարհային գների նվազման ֆոնին էական գնանկում կա նաև Հայաստանում վառելիքի գների մասով։ Մասնավորապես, էական նվազել են բենզինի գները։ Այս օրերին բենզինի 1 լիտրն արժե 300-320 դրամ։
Որքան էլ ուշագրավ է, սակայն, դիզելի գինը շատ դանդաղ է նվազում, այս օրերին այն դեռևս վաճառվում է 370-390 դրամով։
Նշենք, որ Հայաստանն ամենից շատ նավթամթերք ներմուծում է Ռուսաստանի Դաշնությունից։ ՌԴ-ից հետո նավթամթերք ներմուծում ենք Իրանի Իսլամական Հանրապետությունից։ Իրանից ներկրված նավթամթերքի ծավալում գերակշռում է հենց դիզվառելիքը։
«Ֆլեշ» ընկերության սեփականատեր Բարսեղ Բեգլարյանը «Ժամանակի» հետ զրույցում ասաց, որ շատ շուտով, մինչև շաբաթվա վերջ, ամենայն հավանականությամբ, դիզելի գները ևս կիջնեն։ «Հիմա շատ քիչ է նվազել, քանի որ մեծ խմբաքանակ էինք ներկրել մինչև գնանկումը։ Առաջիկայում, ամենայն հավանականությամբ, մինչև շաբաթվա վերջ գները կիջնեն, քանի որ նոր խմբաքանակ ենք ստացել»,- ասաց Բարսեղ Բեգլարյանը։
Կարդացեք նաև
Սոնա ՀԱՐՈՒԹՅՈՒՆՅԱՆ
Հոդվածն ամբողջությամբ՝ «Ժամանակ» օրաթերթի այսօրվա համարում:
