«Հայրենիք» զարգացման հիմնադրամի աջակցությամբ Արցախի Հանրապետության Քաշաթաղի շրջանի մի քանի համայնքների դպրոցների աշակերտներն ու ուսուցիչները կկարողանան իրականացնել հեռավար ուսուցումը:
Նոր կորոնավիրուսի պանդեմիայի հետևանքով հեռավար ուսուցման անցած Արցախի Հանրապետության որոշ մարզերում երեխաների մի մասը զրկված էր կրթություն ստանալու հնարավորությունից՝ սոցիալական վիճակի պատճառով: Քանի որ և՛ կրթությունը, և՛ անվտանգությունը «Հայրենիք» զարգացման հիմնադրամի ծրագրային առաջնահերթություններից են, հիմնադրամի առաջին ծրագիրն իրականացվել է Արցախում:
Քաշաթաղի շրջանի Բերձոր, Սուս, Մուշ, Ալաշկերտ համայնքների դպրոցների աշակերտները Հիմնադրամի կողմից նվեր են ստացել 50 սմարթֆոն, որոնք մինչև հեռավար կրթության ավարտը ապահովված կլինեն նաև ինտերնետ կապով: Ուսուցիչների անխափան աշխատանքը հնարավոր դարձնելու համար, հիմնադրամը դպրոցներին է նվիրել նաև համակարգիչներ:
«Հայրենիք» զարգացման հիմնադրամի նախաձեռնության նպատակն է օժանդակել հայկական երկրորդ հանրապետության կրթական համակարգին՝ ապահովվելու կրթության շարունակականությունը, լուծելու արտակարգ պայմաններում կրթական գործընթացի արդյունավետ կազմակերպման խնդիրը:
Կարդացեք նաև
«Հայրենիք» զարգացման հիմնադրամ
