Գյումրու քաղաքապետ Սամվել Բալասանյանն Aravot.am-ի հետ զրույցում կարծիք հայտնեց, որ համաճարակը Գյումրիում ամենաշատը վնասեց զարգացման մեծ թափ առած ոլորտներից մեկը՝ զբոսաշրջությունը։
«Ինձ թվում է, որ ամենաշատ տուժող ոլորտը տուրիզմն է, նաև սպորտն է, գիտեք, որ հետաձգվեցին օլիմպիական խաղերը, մյուս, մյուսը․․․։ Տնտեսությունը կտուժի, գիտեք, որ սրճարանները, ռեստորանները չեն աշխատում, բոլոր ոլորտներն էլ տուժելու են։
Պետությունը փաթեթներ է պատրաստում, որ համապատասխան աջակցությամբ գոնե պահի այն հարթության վրա, որը եղել է, տեսնենք, բայց աշխարհի վիճակն է այսպիսին, մենք չենք կարող խուսափել։
Կարող են ինչ-որ նորություններ գտնել, որոնք հնարավորություն կտան, որ գոնե իրենց տնտեսությունները պահեն զրոյականի վրա, գոնե այն մակարդակի վրա, որ աշխատատեղեր չկրճատեն։ Շատ կարևոր է, որ գոնե կարողանանք աշխատատեղեր չկրճատել։
Կարդացեք նաև
Շատ եմ ափսոսում, որ Գյումրին «Ֆորբս» ամսագրի 17 ամենագեղեցիկ վայրերի ցանկում ընդգրկվեց և այսօր․․ Տուրիստների մեծ հոսքի էինք սպասում ոչ միայն դրսից, այլ ներսից, ներքին տուրիզմը ևս պիտի զարգանար։ Հուսանք, որ լավ կլինի, կանցնի ամեն ինչ, ու մեր գեղեցիկ քաղաքը էլի տուրիստներին կգրավի։
Զբոսաշրջության հետ կապված շատ ծրագրեր ունենք, կանենք, և ինձ թվում է, որ զբոսաշրջությունը, որն ամենակարևոր ուղղություններից է ընդհանրապես պետությունների, քաղաքների համար, մեր քաղաքում ինչ-որ աստիճանի կհասնի»,- ասաց Սամվել Բալասանյանը։
Նունե ԱՐԵՎՇԱՏՅԱՆ
Լուսանկարը՝ Humans of Gyumri ֆեյսբուքյան էջի
