ԵԱՀԿ Մինսկի խումբը հայտարարություն է տարածել` Արցախում ընտրությունների վերաբերյալ
ԵԱՀԿ Մինսկի խմբի համանախագահները (Իգոր Պոպով (ՌԴ), Ստեֆան Վիսկոնտի (Ֆրանսիա) և Էնդրյու Շոֆեր (ԱՄՆ)) հայտարարություն են տարածել` Արցախում նախագահական և խորհրդարանական ընտրությունների վերաբերյալ` նշելով, որ «ի գիտություն են ընդունել այսպես կոչված «ընդհանուր ընտրությունները», որոնց առաջին փուլը տեղի ունեցավ մարտի 31-ին»:
Հայտարարության համաձայն` համանախագահներն ընդունում են ապագան որոշելու հարցում Լեռնային Ղարաբաղի բնակչության դերը համապատասխան այն սկզբունքների և տարրերի, որոնք տեղ են գտել համանախագահների մարտի 9-ին հայտարարությունում:
Միևնույն ժամանակ համանախագահները նշում են, որ «Լեռնային Ղարաբաղը չի ճանաչվել որպես անկախ և ինքնիշխան պետություն ո՛չ համանախագահ երկրների, ո՛չ էլ որևէ այլ պետության կողմից։ Հետևաբար` համանախագահները չեն ընդունում այդ ընտրությունների արդյունքները որպես Ղարաբաղի օրինական կարգավիճակի վրա ազդող գործոն, և ընդգծում են, որ արդյունքները չեն կարող որևէ կերպ կանխորոշել Ղարաբաղի վերջնական կարգավիճակը կամ ընթացիկ բանակցությունների ելքը` ուղղված ղարաբաղյան հակամարտության տևական և խաղաղ կարգավորմանը»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
