«Մեկ Հայաստան» կուսակցության համահիմնադիր Վլադիմիր Մարտիրոսյանն իր ՖԲ էջում գրում է.
Մեկ առիթով ասել եմ, նորից կրկնեմ: Հարգելի’ ընկերներ, բացարձակ մի անհանգստացեք Ձեր ազատությունների սահմանափակման կամ տեղակայման բացահայտման կամ գաղտնալսման և դրանց արդյունքում Ձեր դեմ օգտագործվող փաստերի առկայությունից: Այս իշխանությունն ավտորիտար կամ տոտալիտար դառնալու ոչ մի տեսական, կառավարչական, գաղափարական, ինտելեկտուալ, աշխարհայացքային պոտենցիալ չունի և չի կարող ունենալ: Նա խարխափում է պոպուլիզմի և քիչ թե շատ կիսաժողովրդավարության հորձանուտում, որը ևս իրացնել չի կարողանում, քանի որ բնույթով և բովանդակությամբ սիտուատիվ է: Ավելին, ավտորիտարիզմը առավել ևս տոտալիտարիզմը հզոր մտավոր և գաղափարաբանական ռեսուրս և պոտենցիալ պահանջող ռեժիմներ են: Ավելին, օգնեք իշխանություններին ձեր տեղը և խոսակցության նյութը բացահայտել, դրանով գործ արած կլինեք երկրի համար, թերևս մի օգտակար բան կլսեն ու կսովորեն:
