Արցախի նախագահի թեկնածու, Արցախի ՀՅԴ կառույցի ղեկավար Դավիթ Իշխանյանի կարծիքով, Արցախի ապագան, այդ ապագայի կայունությունն ու խաղաղությունը ինչ-որ տեղ պայմանավորված է ՀՅԴ-ի լիարժեք մասնակցությամբ` ինչ կարգավիճակով էլ լինի կուսակցությունը։ Այս մասին այսօր`մարտի 31-ին քվեարկությունից հետո, լրագրողների հետ զրույցում ասաց Դավիթ Իշխանյանը:
Հիշեցնենք, այսօր Արցախի հանրապետությունում նախագահի եւ ԱԺ ընտրություններ են: Հանրապետության նախագահի ընտրություններին մասնակցում է 14 թեկնածու: Ազգային ժողովի 33 մանդատի համար պայքարում է 10 կուսակցություն և 2 դաշինք, որոնք միասին ունեն պատգամավորի 359 թեկնածու:
«Եկեք իշխանություն եւ պետություն հասկացությունը տարանջատենք։ Իմ ընկալմամբ դրանք տարբեր են, եթե որեւէ իշխանավոր գործում է պետական մտածելակերպով, ապա երկրորդական է, թե ՀՀ իշխանությունն ո՞ւմ կարող է պաշտպանել։ Հայաստանի պետությունը պիտի որ Արցախի պետության պաշտպանը լինի, ինչը որ կա։ Երկրորդական է, թե իշխանություններն ում կարող են սատարել»,- ասաց Դավիթ Իշխանյանը`պատասխանելով հարցին`իր կարծիքով Արցախի նախագահի թեկնածուներից ո՞ւմ են սատարում Հայաստանի գործող եւ նախկին իշխանավորները:
Նելլի ԳՐԻԳՈՐՅԱՆ
Կարդացեք նաև
Լուսանկարը՝ Դավիթ ԻՇԽԱՆՅԱՆԻ ֆեյսբուքյան էջից
