Այսօր ԱԺ նիստում կառավարության ներկայացրած «Արտակարգ դրության իրավական ռեժիմի մասին» օրենքում լրացումներ կատարելու մասին» եւ «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծերի փաթեթը քվեարկության դրվեց ու տապալվեց:
Մինչ այդ ԲՀԿ խմբակցության քարտուղար Արման Աբովյանն իր ելույթում ասաց. «Տպավորություն եք ստեղծում, թե դուք կյանքեր եք փրկում, ընդդիմությունը դեմ է: Կյանքե՞ր եք փրկում, դե այնպես արեք, որ 20 հոգուց ավելի մարդիկ չհավաքվեն, խի՞ չեք կարողանում անել: Բակերում պապիները նարդի են խաղում, ոստիկան չկա, ռեսուրսը չի հերիքում ու մեզ այս պայմաններում ասում եք՝ ընդդիմությունը մանիպուլյացիա է անում: Մեզ ասում եք՝ գիտեք ինչ կա, թուլացեք ու հաճույք ստացեք, չէ՛, չե՛նք թուլանալու, 100%»:
Աբովյանը կասկածում էր՝ իմքայլականները Տիգրան Ավինյանի հետ են հանդիպել, ու գուցե նա ասել է, որ վիճակը շատ վատ է, սա վերջին միջոցն է, ուստի Ռուստամ Բադասյանին հարցրեց. «Պարոն նախարար, սա վերջին միջո՞ցն է, վիճակն այդքան վա՞տ է: Բան գիտեք՝ եկեք ասեք»:
Կարդացեք նաև
Հռիփսիմե ՋԵԲԵՋՅԱՆ
