«Եթե միջամտություններ չլինեին, ապա մեկ վարակակիրը կարող էր վարակել 2-6 անձի: Այս գործակցի դեպքում պոտենցիալ վարակակիրների թիվը բարձրակետին է հասնում առաջին դեպքի արձանագրումից մոտ 70-80 օր անց, երբ միաժամանակյա վարակվածների թիվը հասնում է բնակչության 89%-ին»,-ԱԺ արտահերթ նիստում այսօր հայտարարեց ՀՀ արդարադատության նախարար Ռուստամ Բադասյանը՝ արձագանքելով հարցին, թե ինչպիսի իրավիճակ կլիներ, եթե մեկշաբաթյա սահմանափակումները՝ աշխատանքի չգնալ, որոշ տեսակների տնտեսական գործունեություն չծավալել, տանից դուրս գալ խիստ անհրաժեշտության դեպքում, չկիրառվեին:
«Իսկ ծանր դեպքերով հոսպիտալացումների թիվը կհատեր 8000-ի սահմանը: Իրականացված միջոցառումների արդյունքում վարակման գործակիցը հասել է մոտ 1,5 տոկոսի: Վերջնական թվին տիրապետում է պարետատունը»,-հավելեց Ռուստամ Բադասյանը:
Նա չպատասխանեց հարցին, թե արտակարգ դրությամբ սահմանված վերջին մեկշաբաթյա սահմանափակումները վաղը երկարաձգվելո՞ւ են, թե ոչ. «Պարետատունը կորոշի»:
Հիշեցնենք, որ կորոնավիրուսի տարածումը կանխարգելելու նպատակով մինչեւ ապրիլի 14-ը ՀՀ-ում հաստատված է արտակարգ դրություն:
Կարդացեք նաև
Լուիզա ՍՈՒՔԻԱՍՅԱՆ
