Ի՞նչ ֆիլմեր էին սիրում հայտնի բռնապետները, որոնք գործել են բազմաթիվ դաժանություններ, նրանց մեղքով բազմաթիվ մարդիկ են սպանվել: Kulturologia.ru-ն անդրադարձել է նրանց կինոնախասիրություններին եւ հետաքրքիր մանրամասներ ներկայացրել:
Ըստ աղբյուրի, օրինակ, Իոսիֆ Ստալինը սիրում էր «Վոլգա, Վոլգա», «Ուրախ տղաներ», «Կրկես» ֆիլմերը: Նա նաեւ դիտել էր Չապլինի մասնակցությամբ բոլոր ֆիլմերը:
Իսկ «Տարզան. մարդ կապիկ»-ը հենց նրա ստորագրությամբ է խորհրդային կինովարձույթ մտել, սակայն խորհրդային կինոհանդիսատեսին այն հասու է դարձել միայն 1952թ:
Կարդացեք նաև
Ադոլֆ Հիտլերը սիրում էր մյուզիքլներ, պատմական դրամաներ, կատակերգություններ: Նա սիրում էր 1933-ին նկարահանված «Քինգ Քոնգը», Ֆրից Լանգի ֆիլմերը, հատկապես «Մետրոպոլիս»-ը ֆյուրերի սիրելիներից էր: Հիտլերը նաեւ Դիսնեյի մուլտերի սիրահար էր: Նա հաճախ էր դիտում «Սպիտակաձյունիկը եւ յոթ թզուկները», հաճույք ստանում Միկի Մաուսի մասնակցությամբ անիմացիոն ֆիլմերից:
Իտալացի բռնապետ Բենիտո Մուսոլինին անձամբ էր զբաղվում կինոարտադրությամբ, հենց նա է ստեղծել «Չինետիտա» կինոստուդիան 1973 թ․ եւ հովանավորել «Սցիպիոն աֆրիկացին» ֆիլմը: Նա սիրահարված էր դերասանուհի Անիտա Փեյջին, նրան հարյուրավոր նամակներ էր գրել եւ անգամ առաջարկել իր կինը դառնալ:
Նրա սիրելի ֆիլմերի հավաքածուում էր նաեւ ավստրո-չեխոսլովակյան «Էքստազ» ֆիլմը, որ լիամետրաժ գեղարվեստական կինոյի պատմության մեջ հայտնի է առաջին էրոտիկ տեսարանով:
Հյուսիսկորեացի բռնապետ Կիմ Չեն Իրը ֆիլմերի քսան հազարանոց հավաքածու ուներ, նրան հետաքրքրում էին հատկապես հոլիվուդյան եւ Օսկարի նոմինացված ֆիլմերը: Զավեշտալին այն էր, որ կինոն նա ընկալում էր իբրեւ իրականություն, մտածում էր, որ կինոնկարներում ընթացող իրադարձությունները իրականում կատարվում են կյանքում:
Կիմ Չեն Իրը սիրում էր սարսափ ֆիլմեր, կինոհերոսներից էլ՝ Ջեյմս Բոնդին ու Ռեմբոյին: Նա համոզված էր, որ նրանք իրական մարդիկ են:
Չին պետական գործիչ, Չինաստանի Ժողովրդական Հանրապետության և մաոականության հիմնադիր Մաո Ցզեդունը սիրում էր Բրյուս Լիի մասնակցությամբ բոլոր ֆիլմերը եւ նրան իրական հերոս էր համարում: Նաեւ ավելի շատ կարդում էր:
Կուբայի լիդեր Ֆիդել Կաստրոն ավելի շատ հետաքրքրված էր գրականությամբ, կարդում էր Հեմինգուեյի, Կաֆկայի, Սերվանտեսի եւ Մարկեսի գործերը, իսկ նրա ամենասիրելի ֆիլմերից մեկը Սերգեյ Բոնդարչուկի «Պատերազմ եւ խաղաղությունն» էր: Նա շատ էր հավանում Սփիլբերգի ֆիլմերը, Չապլինի մասնակցությամբ ֆիլմերը համարյա ամեն օր էր դիտում:
Մերձավոր Արեւելքի ամենասարսափելի բռնապետներից Սադամ Հուսեինի սիրելի ֆիլմը «Կնքահայրն» էր, նա մի քանի անգամ դիտել էր նաեւ «Ծերունին եւ ծովը», «Շնագայլի օրը», «Խոսակցությունը»:
Լիբիայի նախկին ղեկավար Մուամմար Քադաֆին շատ էր սիրում «Աստղային ճանապարհ» ամերիկյան ֆանտաստիկ սերիալը, անգամ մտածում էր դրա հիման վրա իր հեղինակային գիրքը գրել:
Նա նաեւ Սթիվեն Սիգալի մասնակցությամբ ֆիլմերն էր մի քանի անգամ նայում:
Պաստրաստեց Գոհար ՀԱԿՈԲՅԱՆԸ
