Պահքի շրջանում շատերի համար ամենադժվարը քաղցրի, իսկ ավելի կոնկրետ՝ խմորեղենի, թխվածքի պակասին դիմանալն է:
Այս թխվածքը չի պարունակով կենդանական ծագման ոչ մի մթերք, ու դրա հետ մեկտեղ անչափ համեղ է, այդ իսկ պատճառով այն կարող եք պատրաստել ոչ միայն պահքի շրջանում:
Անհրաժեշտ մթերքները
Բանան-1 հատ
Կարդացեք նաև
Գետնանուշի մածուկ (арахисовое масло, peanut butter)- 2 ճաշի գդալ
Նարինջ- 1 հատ
Շաքարավազ-1 բաժակ
Բուսական յուղ-3/4 բաժակ
Ալյուր-1 բաժակ
Սոդա-1 թեյի գդալ
Կակաո-4 լիքը ճաշի գդալ
Պատրաստման եղանակը
Բանանը, գետնանուշի մածուկն ու շաքարավազը լավ խառնել: Գետնանուշի մածուկ չունենալու դեպքում կարող եք փոխարենը նուտելա օգտագործել (բայց նկատի ունեցեք, որ նուտելայի բաղադրության մեջ կաթի փոշի կա), կամ ինքներդ պատրաստել, պատրաստման եղանակը տեսեք այստեղ:
Ավելացնել բուսական յուղը: Նարինջը շատ լավ լվանալ, կեղեւը մանր քերիչով քերել, քերուկն ու նարնջի հյութն ավելացնել խմորին:
Ավելացնել նաեւ ալյուրը, սոդան եւ կակաոն: Պետք է դառնա թթվասերի խտության խմոր: Եթե հարկ եղածից թույլ է, մի փոքր էլ ալյուր ավելացրեք, եթե հարկ եղածից պինդ է, մեկ-երկու ճաշի գդալ ջուր ավելացրեք:
Խմորը լցրեք յուղաթղթով ծածկված հրակայուն ամանի մեջ եւ դրեք նախապես 180 աստիճան տաքացրած ջեռոցը:
Պատրաստ կլինի 25-30 րոպեից: Ստուգեք փայտե չոփիկով, եթե չոր դուրս գա, ուրեմն պատրաստ է:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
Շնորհակալ ենք պաս պահողներիս մասին նման հոգատարութեան համար։ Իսկապէս հաճելի է։
Յ.Գ. Թերեւս մի դիտարկում՝ նութելայի մէջ կաթ կայ, որը պահոց ուտելիք չէ։
Հարգելի պարոն Լազարյան, շնորհակալ եմ դիտարկման համար: Հիմա կավելացնեմ բաղադրատոմսի մեջ, որպեսզի մյուս ընթերցողներին թյուրիմացության մեջ չգցեմ: