Այսօր ԱՀ նախագահի թեկնածու Վիտալի Բալասանյանը իր ֆեյսբուքյան էջում տեղեկություններ է հրապարակել ԱՀ պետական կառավարման համակարգի աշխատակիցների կողմից ընտրողների կամքի ազատ արտահայտմանը խոչընդոտելու ենթադրյալ դեպքերի վերաբերյալ:
Անընդունելի համարելով նմանատիպ դեպքերը՝ ԱՀ Մարդու իրավունքների պաշտպանը սեփական նախաձեռնությամբ քննարկում է սկսել տվյալ հրապարակման հիման վրա, որի շրջանակներում պարզաբանումներ են պահանջվելու պետական լիազոր, ներառյալ՝ իրավապահ մարմիններից:
https://www.facebook.com/BalasanyanVitali/posts/680438489427365?__xts__[0]=68.ARBCnmyEk8gF4R6eXaJI3SDPg8TXTZadX2Q3-7uzOo0q-Wg6IIcgy6AtoKk3wYU7i7iP0iG4CpLTU-7YlkIHpCKAQu3tEvDJsocOOLYAxp2pqQU7IVAScz1fW2d60W5OHRBtuz9bcAKXFK5sHINh2BFtVcBugFfyFEbanWzGwKphqT3e23d_F5RjvlmfTqh2xWxlQl8C2WJW4DRIkPagjmhZSweWjzsiom33stVhJMKZzdjl9p77FG0lX-hPiqhOVe-JkHBem4NXtZm6klAi_-V6PBHsNtkAiMg2nf53ZOfF92a1Oar1HqMdTdwSP4wGuItjBGRo6tGeoWWXwQU&__tn__=-R
Պաշտպան Արտակ Բեգլարյանը այդ հրապարակման վերաբերյալ հեռախոսազրույց է ունեցել ԱՀ գլխավոր դատախազի պաշտոնակատար Արամայիս Ավագյանի հետ՝ ընդգծելով, որ դատախազությունը պետք է պատշաճ ու օպերատիվ կերպով ընթացքավորի տվյալ հաղորդումը, ստուգի բոլոր հանգամանքները և դրանց հիման վրա որոշի հետագա իրավական գործընթացները: Պաշտպանը ողջունում է, որ ԱՀ գլխավոր դատախազի պաշտոնակատարի կողմից արդեն ԱՀ ոստիկանությանը տրվել է վերոհիշյալ հրապարակման կապակցությամբ ԱՀ քրեական դատավարության օրենսդրությամբ սահմանված ընթացակարգով ստուգումներ կատարելու հանձնարարություն:
Կարդացեք նաև
Մարդու իրավունքների պաշտպանը խստիվ պահանջում է բոլոր հանրային ծառայողներից ընտրական գործընթացներում առաջնորդվել բացառապես օրենսդրությամբ և պաշտոնական լիազորություններն իրականացնելիս հետևել հանրային ծառայության հիմնական սկզբունքներին, ներառյալ՝ մարդու և քաղաքացու իրավունքների ու ազատությունների առաջնահերթությանը, հանրային ծառայողների քաղաքական զսպվածությանը, անկողմնակալությանը և անձի ու նրա իրավունքների հանդեպ հարգանքին:
Պաշտպանը միևնույն ժամանակ կարևորում է, որ ընտրական գործընթացներում ընդգրկված բոլոր անձինք և ուժերը առավելագույնս համագործակցեն պատկան մարմինների հետ և ներկայացնեն ենթադրյալ իրավախախտումների վերաբերյալ ամբողջական տեղեկություններ, որպեսզի հնարավոր լինի համապատասխան վարույթի շրջանակներում պարզել բոլոր հանգամանքները և տալ սպառիչ իրավական գնահատական:
ԱՐՑԱԽԻ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆ
https://www.facebook.com/ArtsakhOmbuds/posts/1508354429331714
