ՌԴ կառավարությունը ցամաքային բեռնափոխադրումների առնչությամբ նոր սահմանափակումներ է կիրառել. որոշումն անհանգստություն է առաջացրել նաեւ հայաստանյան գործարարների շրջանում: Այս մասին այսօր ֆեյսբուքյան ուղիղ միացմամբ հայտարարեց ՀՀ վարչապետ Նիկոլ Փաշինյանը: «Շատերը կարծում էին, թե այդ որոշումներն ազդելու են նաեւ ՀՀ-ՌԴ բեռնափոխադրումների վրա, բայց ասեմ, որ անհանգստությունը տեղին չէ, այդ որոշումը չի ազդելու հայաստանյան բեռների վրա: Այս փաստը հաստատել է ՌԴ վարչապետը՝ ինձ հետ հեռախոսազրույցի ընթացքում: Բեռները տեղափոխվում են ՀՀ-ից ՌԴ եւ հակառակը, եւ այդ ռեժիմը շարունակելու է գործել»,-տեղեկացրեց Նիկոլ Փաշինյանը:
https://www.facebook.com/nikol.pashinyan/videos/205918010729673/
Նա միաժամանակ շեշտեց, որ Լարսի անցակետում մեծ կուտակումներ կան, քանի որ ձյան պատճառով անցակետը տեւական ժամանակ փակ էր. «Վերջին օրերին ակտիվ աշխատում ենք ՌԴ-ի եւ Վրաստանի հետ, որպեսզի բեռնատարների երթեւեկությունը բերվի բնականոն վիճակի: Իրավիճակը բարդանում է կորոնավիրուսի խնդրի հետ կապված, բայց մենք աշխատում ենք, եւ հույս ունենք, որ հարցը արագ կկարգավորենք»:
Նիկոլ Փաշինյանը նաեւ վստահեցրեց, որ պարենի ներկրումը դեպի Հայաստան բնականոն է ընթանում:
Կարդացեք նաև
Լուիզա ՍՈՒՔԻԱՍՅԱՆ
