Փոխոստիկանապետ Հայկ Մհրյանն այսօր կառավարության մամուլի սրահում ներկայացրեց կորոնավիրուսի համաճարակի ռեժիմի պահպանման խախտումները: Ըստ նրա, մինչ մարտի 28-ը ժամը 12:00-ը, Հայաստանի Հանրապետությունում ինքնամեկուսացման պայմանները խախտած քաղաքացիներից 1889-ը ենթարկվել են վարչական պատասխանատվության: Իսկ ավտոմեքենաներում սահմանված քանակից ավելի անձանց տեղափոխելու 1843 դեպք է արձանագրվել եւ ուղեւորներն իջեցվել են տրանսպորտային միջոցներից:
Մհրյանի ներկայացմամբ, 48 դեպքով ընդհանուր օգտագործման տրանսպորտային միջոցների վարորդները ենթարկվել են վարչական տույժերի՝ ավել ուղեւոր տեղափոխելու համար: Փոխոստիկանապետն ասաց, որ այն վայրերում որտեղ հյուրանոցներ, մեկուսացման վայրեր եւ հիվանդանոցներ կան իրենց ծառայությունները շարունակվում են շուրջօրյա:
Հարցին ի պատասխան, Հայկ Մհրյանն ասաց, որ քաղաքացին պետք է ցանկացած տեղ գնալիս, անգամ շենքի, տան հարեւանությամբ խանութ, լրացնի տեղաշարժի թերթիկը: փոխոստիկանապետը կարծում է, որ դա կբարձրացնի պատասխանատվության զգացումը եւ օբյեկտիվություն կմտցնի. «Քաղաքացիները չեն կարող հորինել՝ ուր են գնալու, երբ են գնալու:Կապ չունի իրենց տնից 100 մետր են հեռու, թե հինգ կիլոմետր, պետք է լրացնեն:
Լուսինե ԲՈՒԴԱՂՅԱՆ
