Մարտի 26-ից Արցախի Հանրապետություն կարող են գնալ այն անձինք, որոնք Արցախում ունեն հաշվառում: Այսօր այս մասին կառավարության մամուլի սրահում հայտնեց փոխոստիկանապետ Հայկ Մհրյանը: Արցախի տարածք կարող են մուտք գործել նաեւ բեռնափոխադրում իրականացնող տրանսպորտային միջոցները, այդ թվում բեռնատարները՝ անկախ բեռնվածությունից, մարդատար մեքենաները՝ պարտադիր բեռնված լինելու պարագայում:
Ըստ փոխոստիկանապետի, Արցախում կայանալիք ընտրությունների համար կթույլատրվի մուտքը նաեւ դիտորդական առաքելություն իրականացնող անձանց եւ լրագրողներինը՝ համապատասխան փաստաթղթերի առկայության դեպքում: Բացի թվարկածից Լեռնային Ղարաբաղի տարածք կարող են մուտք գործել պաշտպանական բանակը սնուցող, մատակարարող գործառույթներ իրականացնող բոլոր կազմակերպությունները:
Հայկ Մհրյանն ասաց, որ շարժի վերաբերյալ սահմանափակումները մտցվել են կորոնավիրուսի համաճարակի շրջանակներում, ինչ արդյունքում Հայաստանի Հանրապետության եւ Լեռնային Ղարաբաղի սահմանը չորս վայրերում փակվել են եւ սահմանափակումներ են մտցվել:
Լուսինե ԲՈՒԴԱՂՅԱՆ
