«Չեմ ուզում ոչինչ բացառել, բայց հույս ունեմ, որ մեզ կհաջողվի անցնցում անցկացնել քաղաքական այս կարեւոր գործընթացը` նաեւ օգտագործելով մեր երկրում արդար ընտրություններ անցկացնելու նախկինում ձեւավորված ավանդույթները»,- «Առավոտի» հետ զրույցում ասաց Արցախի նախագահի թեկնածու, Արցախի ժողովրդական կուսակցության նախագահ Աշոտ Ղուլյանը`պատասխանելով հարցին`քարոզարշավի վերջին օրերին կտրուկ տեղաշարժեր, փոփոխություններ, վերադասավորումներ հնարավո՞ր են:
«Այստեղ շատ բան կախված է նրանից, թե մասնակից քաղաքական ուժերը, նախագահի թեկնածուները որքանո՞վ են համարժեք արձագանքում այն իրավիճակներին, որ ստեղծվում են նախընտրական քարոզչության ժամանակ: Այնպես չէ, որ հանդիպումներին մարդկանց սակավությունը, քննարկումների ընթացքում հարցերի սրությունը միայն վերաբերվում է նոր ձեւավորված կուսակցություններին կամ քաղաքական կյանք նոր մտած գործիչներին: Մեր հանդիպումների ժամանակ էլ են նմանօրինակ դեպքեր եղել եւ մենք դրանցից ողբերգություն չենք սարքում: Մարդիկ տարբեր կերպ են ընկալում, մեր համայնքների զարգացման մակարդակները տարբեր են եւ գուցե տարածքային անհամաչափ զարգացումն էլ է ինչ-որ իմաստով ազդում այնպիսի մթնոլորտի ձեւավորմանը, երբ մարդիկ որոշ հարցերի արձագանքում են շատ նեղսրտած եւ հոռետեսական տրամադրություններով»,- ասաց մեր զրուցակիցը:
Զրույցը` Նելլի ԳՐԻԳՈՐՅԱՆԻ
Զրույցի մանրամասները` տպագիր «Առավոտի» այսօրվա համարում
