ԱԺ-կառավարություն հարցուպատասխանի ժամանակ այսօր ԲՀԿ պատգամավոր Շաքե Իսայանը հետաքրքրվեց՝ մարտին փոխվարչապետ Տիգրան Ավինյանը հայտարարեց, որ ձեռք են բերվելու արագ թեստեր, որոնք 15 րոպեում կարող են հաստատել կամ հերքել կորոնավիրուսի առկայությունը. դրանք արդեն կիրառվո՞ւմ են:
ՀՀ առողջապահության նախարար Արսեն Թորոսյանը պատասխանեց, որ այժմ կորոնավիրուսի ախտորոշումը կատարվում է այն թեստերով, որոնք տրամադրվել են Առողջապահության համաշխարհային կազմակերպության կողմից: Իսկ արագ թեստերը, Թորոսյանի խոսքով, ունեն կողմնորոչիշ նշանակություն, եւ ոչ ախտորոշիչ:
«Դեռ պարզ չէ դրանց արդյունավետությունը մեծածավալ հետազոտությունների վրա: Ամեն դեպքում, մենք ձեռք ենք բերել դրանք՝ ինքներս պարզելու համար, թե ինչպես պետք է դրանք կիրառել եւ որ հաստատություններում՝ սահմանային անցակետեր, պոլիկլինիկաներ, թե ինֆեկցիոն հիվանդանոց: Թեստերը ճանապարհին են, մի խմբաքանակի նախնական առաքման ժամկետը մարտի 17-ն է, բայց փակ օդային սահմաններ կան»:
Կարդացեք նաև
Լուիզա ՍՈՒՔԻԱՍՅԱՆ
