«Կոռուպցիայի կանխարգելման հանձնաժողովին իրավասություն է տրվում ստուգելու դատավորի թեկնածուի՝ քրեական ենթամշակույթին հարելու հանգամանքը: Գործնականում սա ո՞նց է ստուգվելու, եթե հանձնաժողովն օպերատիվ հետախուզական միջոցառում անելու իրավունք չունի»,-ԱԺ նիստում այսօր ՀՀ դատական օրենսգրքում փոփոխությունների փաթեթի երկրորդ ընթերցման ժամանակ արդարադատության նախարար Ռուստամ Բադասյանին հարցրեց «Լուսավոր Հայաստանի» պատգամավոր Տարոն Սիմոնյանը:
Նախարարը պատասխանեց. «Լինի ենթամշակույթ, թե ոչ, դատավորի թեկնածուի բարեվարքության ստուգումը ենթադրում է նաեւ սոցցանցերի եւ ԶԼՄ-ների հրապարակումների ուսումնասիրություն: Դրանք վճռորոշ հիմնավորվածություն ունենալ չեն կարող, բայց լրացուցիչ հարցադրումների առիթ կտան: Բացի այդ, հանձնաժողովն իրավունք կունենա դիմել պետական եւ տեղական ինքնակառավարման բոլոր մարմիններին՝ հայցելու ցանկացած տեղեկատվություն, որը պաշտպանված է լինելու»:
Լուիզա ՍՈՒՔԻԱՍՅԱՆ
