Ամերիկայի ձայն. Տիեզերքի հարցերով եվրոպական գործակալությունը հաղորդում է կորոնավիրուսի օրերին օդի աղտոտվածության մակարդակի նվազեցման մասին:
Հյուսիսային Իտալիայում գրանցվել է նիթրոգեն դիոքսիդի մակարդակի անկում: Հիշեցնենք, որ Իտալիան կորոնավիրուսից առավելագույնը տուժած երկրների շարքում է:
Այս միտումը արդյունք է նրա, որ Իտալիայում կորոնավիրուսի պատճառով երկրում չեն գործում բազմաթիվ արդյունաբերական ձեռնարկություններ, իսկ տրանսպորտային միջոցների թվաքանակը կտրուկ նվազել է:
Նույն պատկերը նկատվում է Չինաստանում, որի Վուհան նահանգից սկիզբ առավ համաճարակը: Հատկապես այս շրջանում նկատվել է նիթրոգեն դիոքսիդի արտանետումների կտրուկ անկում:
Կարդացեք նաև
Նիթրոգեն դիոքսիդի արտանետումները, որոնք աղտոտում են միջավայրը, ի հայտ են գալիս տրանսպորտի միջոցների օգտագործման, արդյունաբերության և այլ ակտիվության արդյունքում:
Այն պահպանվում է օդում շուրջ 24 ժամ նախքան միախառնվումն այլ գազերի հետ՝ այսպիսով վնաս պատճառելով շրջակա միջավայրին:
2017 թվականից Տիեզերքի հարցերով եվրոպական գործակալությունը գործի դրեց Sentinel-5P արբանյակը, որը օգնում է պարզելու մթնոլորտի աղտոտվածության մակարդակը:
Փորձագետները հիշեցնում են, որ նմանատիպ միտումներ են գրանցվել 2008 թվականին Չինաստանում ամառային օլիմպիական խաղերի օրերին: Այսօր օդի աղտոտվածության մակարդակի նվազեցումը, սակայն, կապված է կորոնավիրուսի համաճարակի ու մարդկանց ինքնամեկուսացման հետ: Այսօր աշխարհում կորոնավիրուսով վարակված մարդկանց թիվն անցել է 400 հազարը:
