Բրիտանացի բռնցքամարտիկ Բիլլի Ջո Սոնդերսը զանգահարել է Delta ավիաընկերություն եւ կատակով ասել, որ WBA եւ IBF վարկածներով առաջին կիսամիջին քաշային կարգում աշխարհի չեմպիոն Ջոշ Թեյլորը եւ նրա մարզիչ Բեն Դեւիսոնը վարակված են կորոնավիրուսով:
Mirror-ը տեղեկացնում է, որ ավիաընկերությունն այդ հայտարարությունը լուրջ է ընդունել եւ բռնցքամարտիկին ու մարզչին հանել է չվացուցակից: Իսկ Դեւիսոնը ավելի ուշ գրել է, որ իրենք հիմա լուրջ հսկողության տակ են:
Սոնդերսը մայիսի 2-ին պետք է մենամարտ անցկացներ մեքսիկացի Կանելո Ալվարեսի հետ, սակայն կորոնավիրուսի համավարակի պատճառով մենամարտը չեղարկվել է:
Աշոտ ՀԱԿՈԲՅԱՆ
