Դոլարի պահանջարկն աճել է Ադրբեջանում` նավթի գների անկումից հետո այլ արժույթի արժեզրկման վախի պատճառով: Հայտնում է Oilprice.com-ը:
Սաուդյան Արաբիայի և Ռուսաստանի միջև թշնամանքը հանգեցրեց նրան, որ նավթի գներն անկում կատարեն մարտի 9-ին: Նրանք ցածր մնացին` ավարտելով շաբաթը 34 դոլարից էլ ցածր: Ադրբեջանի տնտեսությունը խիստ կախված է գազի և նավթի եկամուտներից, և իր ներկայիս բյուջեն հիմնված է 53 դոլար նավթի գնի վրա:
Երկրի իշխանությունը դե ֆակտո պահպանում է արժույթի` մանաթի արժեքը ԱՄՆ դոլարի նկատմամբ, և կարող է արժեզրկել մանաթը` իր բյուջեին աջակցելու համար: Այդպես արել է երկու անգամ 2015 թվականին` էական դժվարություններ ստեղծելով սովորական ադրբեջանցիների համար, որոնք իրենց խնայողությունները մանաթով են պահում:
Հիշելով այդ փորձը` մարդիկ փորձում են իրենց մանաթը փոխանակել ավելի վստահելի դոլարով: Որոշ բանկեր արձագանքել են այս երևույթին` սահմանափակելով դոլարի վաճառքը:
Կարդացեք նաև
Տնտեսագետ, REAL կուսակցության համահինադիր Նաթիգ Ջաֆարլին հայտնում է, որ մարտի 11-ի առավոտյան գնացել է Բաքվում գտնվող չորս բանկ, որոնցից ոչ ոք դոլար չէր վաճառում: Նա իրավիճակը լարված է գնահատել:
Ամի ՉԻՉԱԿՅԱՆ
