Հայաստանում, այսօր առավոտվա դրությամբ կա կորոնավիրուսով վարակվածների 190 հաստատված դեպք ունենք, որոնցից մեծ մասի առողջական վիճակը բավարար է: Այս մասին, քիչ առաջ, ֆեյսբուքյան էջում հայտնեց ՀՀ առողջապահության նախարար Արսեն Թորոսյանը:
Հիվանդներից 14-ի մոտ կա թոքաբորբ, ստանում են սիմպտոմատիկ բուժում, ստանում են ջերմիջեցնող դեղեր եւ գտնվում են բժիշկների հսկողության տակ: 6-ը ինտենսիվ թերապիայի կարիք ունեն՝ պայմանավորված այլ հիվանդությունների պատճառով բարդացումներով եւ գտնվում են Նորքի ինֆեկցիոն հիվանդանոցում: Արհեստական շնչառության կարիք չունեն: Վեց քաղաքացիների առողջական վիճակը, ըստ նախարարի, գնահատվում է կայուն: Նրանք ստանում են համապատասխան բուժում:
Նախարարը տեղեկացրեց նաեւ, որ շուտով կլրանա մեկուսացման մեջ գտնվող քաղաքացիների մի մասի մեկուսացման 14-րդ օրը: Նրանց թեստեր կարվեն, հետո միայն պարզ կլինի, թե ինչ անել: Նախարարը հույս ունի, որ նրանց կուղեկցեն բնական կյանքի: Կլրանա նաեւ որոշ քաղաքացիների բուժման 14-րդ օրը. հետազոտություններից հետո, եթե պարզվի, որ վարակը վերացել է նրանք նույնպես դուրս կգրվեն հիվանդանոցից:
Նելլի ԳՐԻԳՈՐՅԱՆ
