Եվրոպական հանձնաժողովը հայտարարել է, որ պատրաստվում է ԵՄ հետազոտությունների և նորարարությունների «Հորիզոն 2020» ծրագրի միջոցով հետազոտական ծրագրային առաջարկներ ֆինանսավորել՝ ի պատասխան կորոնավիրուսի (COVID-19) բռնկման:
«Նորարարական դեղամիջոցներ» նախաձեռնության ներքո հասանելի կլինի մինչև 45 միլիոն եվրոյի չափով ֆինանսավորում: Սպասվում է, որ նույնքան գումար էլ կուղղվի դեղագործական արդյունաբերությանը, ինչի արդյունքում ընդհանուր ներդրումը կարող է հասնել մինչև 90 միլիոն եվրոյի:
«Հորիզոն 2020»-ը ԵՄ հետազոտությունների և նորարարությունների երբևէ եղած խոշորագույն ծրագիրն է, որի շրջանակներում վերջին 7 տարվա ընթացքում (2014-2020թթ.) մոտ 80 միլիարդ եվրոյի չափով ֆինանսավորում է հասանելի եղել՝ ի հավելումն նշված միջոցների շնորհիվ ներգրավվող մասնավոր ներդրումների:
«Նորարարական դեղամիջոցներ» նախաձեռնությունն իրենից ներկայացնում է հանրային-մասնավոր գործընկերություն՝ Եվրոպական հանձնաժողովի և դեղագործական արդյունաբերության միջև՝ ի դեմս Դեղագործական արդյունաբերության և ասոցիացիաների եվրոպական ֆեդերացիայի (ԴԱԱԵՖ):
Կարդացեք նաև
EU NEIGHBOURS east
